అంతర్జాతీయ యోగా దినోత్సవం సందర్భంగా ఈరోజు ( 21 జూన్ 2015 ) బోనకల్ లో 'పల్లె ప్రపంచం ఫౌండేషన్ ' తరపున 'యోగాడే' నిర్వహించడం జరిగింది. ఈ సందర్భంగా ' భారతీయ సంస్కృతి - యోగా - శాస్త్రీయత ' అనే అంశంపై సభ మరియు యోగాసనాల ప్రదర్శన జరిగింది.
ఈ సందర్భంగా నిర్వహించిన సభకు రిటైర్డ్ తెలుగు పండిట్ వజ్రాల పరబ్రహ్మం గారు అధ్యక్షత వహించారు.
సభలో పల్లెప్రపంచం ఫౌండేషన్ అధ్యక్షులు పల్లా కొండల రావు ప్రసంగిస్తూ బోనకల్ తో పాటు మొత్తం 110 గ్రామాలలో భారతీయ సంస్కృతి - యోగా - ప్రక్రుతి జీవన విధానం లపై అవగాహన కార్యక్రమాలు నిర్వహించనున్నట్లు తెలిపారు. ప్రకృతి జీవన విధానం , ఆక్యుపంచర్ వైద్య విధానం వంటి అంశాలపై అవగాహనా కార్యక్రమాలను నిర్వహిస్తామన్నారు. యువతకు మార్కెటింగ్ రంగం ద్వారా ఉపాధి అవకాశాలు కల్పిస్తామన్నారు. ప్రకృతి జీవన విధానం - యోగా - ఆక్యుపంచర్ లలో శిక్షణా కార్యక్రమాల ద్వారా ఆరోగ్యాన్ని, ప్రతి ఆదివారం మనో వైజ్ఞానికి శిక్షణల ద్వారా ఆనందాన్ని , మార్కెటింగ్ రంగం ద్వారా ఉపాధి కల్పించడం ద్వారా ఆర్ధిక అవకాశాలను కల్పిస్తున్నట్లు తెలిపారు.
బోనకల్ జెడ్.పి.టి.సి సభ్యులు బానోతు కొండా మాట్లాడుతూ గ్రామీణ ప్రాంతాలలో ఆరోగ్యంపై చైతన్యం పెంచాల్సి ఉన్నదన్నారు. మనం తినే ఆహారం, పీల్చే గాలి , త్రాగే నీరు కలుషితం కావడం పట్ల ఆందోళన వ్యక్తం చేశారు. వీటినుండి మనలను మనం కాపాడుకోవడానికి యోగను అవసరమైనమేరకు ఉపయోగించుకుంటే మంచిదన్నారు. గ్రామీణ ప్రాంతాలలో సేవాకార్యక్రమాలు చేస్తున్న పల్లె ప్రపంచం కు అన్నివిధాలా సహకారం అందిస్తామన్నారు.
బి.జి.పి నాయకులు దొంతు జ్వాలా నరసింహా రావు మాట్లాడుతూ ప్రపంచానికే ఆదర్శంగా యోగాను తీర్చి దిద్దుతున్న ప్రధాని నరేంద్రమోడీకి కృతజ్ఞతలు తెలిపారు.
ఈ కార్యక్రమంలొ సి.పి.ఎం నాయకులు, మాజీ సర్పంచ్ పోటు వెంకటేశ్వర్లు, గ్రామ సి.పి.ఎం నాయకుడు తెల్లాకుల శ్రీనివాస రావు, బోనకల్ మండల కాంగ్రెస్ అధ్యక్షులు గాలి దుర్గా రావు, స్థానిక పాఠశాల ఉపాధ్యాయులు తోటకూర రామకృష్ణ, మరో ఉపాద్యాయులు తెలకపల్లి రవి, బి.జె.పి మండల నాయకులు మందపల్లి పాపారావు, గ్రామ బి.జె.పి అధ్యక్షులు నాగయ్య, నమస్తే తెలంగాణ పత్రిక స్థానిక రిపోర్టర్ తమ్మారపు బ్రహ్మం, ఫౌండేషన్ కార్యదర్శి బోయనపల్లి అంజయ్య తదితరులు ప్రసంగించారు.
సభాననతరం మధిర టి.ఆర్.టి.సి ఉద్యోగి గంగుల పిచ్చేశ్వర రావు, బోయనపల్లి అంజయ్యలు యోగా ప్రాణాయామం లపై ఆసనాల ప్రదర్శన ఇచ్చారు. సభకు హాజరైనవారిలో ప్రముఖుల చేత కొద్ది నిమిషాలు యోగా ప్రాక్టిస్ చేయించారు.
ఫౌండేషన్ కు జెడ్.పి.టి.సి సభ్యులు బాణోతు కొండల రావు రు.1000/- , బి.జె.పి మందల నాయకులు మందపల్లి పాపారావు రు.1000/-, విశ్రాంత తెలుగు ఉపాద్యాయులు వజ్రాల పరబ్రహ్మం రు.500/-, బోనకల్ మాజీ సర్పంచ్ పోటు వెంకటేశ్వర్లు రు.500/- , ప్రభుత్వ పాఠశాల ఉపాధ్యాయులు తెలకపల్లి రవి రు.500/-లు ఆర్ధిక సహకారం అందించారు. ఆర్ధిక సహకారం అందించిన వారికి పల్లె ప్రపంచం తరపున అధ్యక్షులు పల్లా కొండల రావు ధన్యవాదములు తెలిపారు.
![](https://blogger.googleusercontent.com/img/b/R29vZ2xl/AVvXsEhth35fpY3pswIh_2896MffCHCcuW9BZo_AT8BjcvI8xA3IC0J7T-phv17X3g5rY4MXxY3deGNhFcm-Pk9tw8C0qrOrg3U6cJ3t66nMduJ8Vk95VmO7hP6jXKuxe8OXQvR9EmO3e5rdSW9b/s640/IMG_20150621_074515+-+Copy.jpg) |
కార్యక్రమం వివరాలను తెలియజేస్తున్న కార్యదర్శి బోయనపల్లి అంజయ్య |
![](https://blogger.googleusercontent.com/img/b/R29vZ2xl/AVvXsEhdnpANzhA-WAHkHdhKaX7BNl0DsMyGavnJGfdkD9KP3dx3qs2Z5uQRrhyphenhyphenV0yygE3dEGdv2w_6VzyyIyN3yL6UMOrlfApu07OICDuiuM8i92ko7ouGRKYkdotC_OJRwaKeZEV9wO1WYn5NE/s640/IMG_20150621_074739+-+Copy.jpg) |
సభకు అధ్యక్షత వహించిన రిటైర్డ్ తెలుగు పండిట్ వజ్రాల పరబ్రహ్మం గారు. |
![](https://blogger.googleusercontent.com/img/b/R29vZ2xl/AVvXsEhVf2kMXd0N39VSu4d1yokll0z2PezYf_hdND4HXYtQvL08QeL5Z16XvFdRarLAQs7adXiqXVfErETg97hjC7ym5qOZ0WQ8QF3hL78gspqSw3X0BQ1my0QIMH6X3R1dwAOLZEWRhkP6Eh4j/s640/IMG_20150621_075248+-+Copy.jpg) |
పల్లె ప్రపంచం విజన్ వివరిస్తున్న అధ్యక్షులు పల్లా కొండల రావు |
![](https://blogger.googleusercontent.com/img/b/R29vZ2xl/AVvXsEjnzp5c8ZH7s1LEhLBqNxVApBONkFoShVqOzqOSbVe4js08E4DMeCqSBusJgjKBBTxi84eI69nfFEiIBHjRHRwwWxywLgL6fc84FcPQWVkunWVPIV_0zWjnTmYT-htZQKRgNnYZJQoHDWF5/s640/IMG_20150621_080347.jpg) |
ప్రసంగిస్తున్న బోనకల్ జెడ్.పి.టి.సి బాణోతు కొండలరావు |
![](https://blogger.googleusercontent.com/img/b/R29vZ2xl/AVvXsEgzaghkvpEXXPwyCUIxkKzHACbD-ekgKBeF0ZscfgSsoqTf5VKloPx6ebu4QfpvwrrHTOWZWakBuDvTgytcNd8e-AsZC2ATiGsvafVdWR7CZgUkPkvqJwGGi7haifGNuQ3KzMQXrk36IYsZ/s640/IMG_0017+-+Copy.JPG) |
ప్రసంగిస్తున్న బోనకల్ మాజీ సర్పంచ్ , సి.పి.ఎం నాయకుడు పోటు వెంకటేశ్వర్లు. |
![](https://blogger.googleusercontent.com/img/b/R29vZ2xl/AVvXsEieowdy5r0UTxXbh-7_9n426TOhv_W1Jb5-E-diJW8yzqwjzD6DS3JhrI-ccBsYPKqeVVj6uyKKSzbEMkK9JaTn_vJqvuu7XvrgciWTUkk9MpdYvopUeb4JtCIFbsSkRtwKqIyNxelb5tHU/s640/IMG_20150621_075929.jpg) |
ప్రసంగిస్తున్న బి.జె.పి గీత సంఘం రాష్ట్ర నాయకుడు దొంతు జ్వాలా నరసింహ రావు. |
![](https://blogger.googleusercontent.com/img/b/R29vZ2xl/AVvXsEjf5HTq0hYBApZzTfBZ5FkaR1u5pSs4Jf3I9FSbtCtrQNnr4UILc4zjqEaNAQ50q1RK4KeCwZiWFtKoIJdE0GyJrAFTeC-qgwHW5HPZ4BROcRIy5IUqxZ-PetN_vP8UBmumZnOyIEEVh4_q/s640/%25E0%25B0%2595%25E0%25B0%25BE%25E0%25B0%2582%25E0%25B0%2597%25E0%25B1%258D%25E0%25B0%25B0%25E0%25B1%2586%25E0%25B0%25B8%25E0%25B1%258D+%25E0%25B0%25A8%25E0%25B1%2587%25E0%25B0%25A4+%25E0%25B0%25A6%25E0%25B1%2581%25E0%25B0%25B0%25E0%25B1%258D%25E0%25B0%2597%25E0%25B0%25BE%25E0%25B0%25B0%25E0%25B0%25BE%25E0%25B0%25B5%25E0%25B1%2581.jpg) |
ప్రసంగిస్తున్న బోనకల్ మండల కాంగ్రెస్ అధ్యక్షులు గాలి దుర్గారావు |
![](https://blogger.googleusercontent.com/img/b/R29vZ2xl/AVvXsEhNjBA4ArEJT46nQpXN_VWzYNC_k2WLLarQG3g-cReCCrT9MjBnRZNCTFS76i4wCQY-ovJsIejoxRjxJkdixpY02yjkY5DJ415doKzBhzEhH2VPtpKWJyhkIG0EtZorMN6qrGXk7ovBh17o/s640/IMG_20150621_081818.jpg) |
ప్రసంగిస్తున్న నమస్తే తెలంగాణా స్థానిక విలేఖరి తమ్మారపు బ్రహ్మం |
Post a Comment
* మీ వ్యాఖ్యలు తెలుగులోనే వ్రాయండి
* పోస్టుతో సంబంధంలేని, సంయమనం లేని, ఎవరికీ ఉపయోగం కాని వ్యాఖ్యలు వద్దు.
* నింద వేరు - విమర్శ వేరు, ఎవర్నీ గాయపరచకుండానే విమర్శించవచ్చు.
* పుల్లవిరుపుగా తీసిపారేయటం వల్ల అసహనం ఉపశమిస్తుందేమో, ఒరిగేదేమీ లేదు.
* ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. .
* అనవసర వ్యాఖ్యలు తొలగించబడతాయి.