బాల్యం ఆనందంగా, వృద్డాప్యం భద్రతగా ఉండే దమ్మున్న సమాజం కావాలి !

ఈ దమ్మున్న సమాజం కావాలి !

మీలో ఈ దమ్ముందా !? ఇది చదివి నిజాయితీగా చెప్పండి !

బాల్యం - వృద్ధాప్యం ఇవి రెండూ సక్రమంగా భద్రతగా - బాధ్యతగా మనగలిగితే మొత్తం సమాజం బాగుంటుంది. అందరం నీతులు చెప్పి అసలు విషయం మరచిపోతే భావి సమాజం అశాంతితో, అలజడులతో నిండి ఉంటుంది. సమాజ నిర్మాణంలో కుటుంబం పాత్ర , పిల్లల పెంపకం పాత్ర కీలకమైనది. 

బాల్యం ఆనందంగా గడవాలి. వృద్ధాప్యం భద్రతగా ఉండాలి. మొత్తం సమాజానికి ఆ దమ్ము పెరగాలి. పిల్లలకి పెద్దరికం కథల రూపం లో , అనుభవాలు పాఠాలుగా చెప్పే రూపంలో చాలా కీలకంగా ఉపయోగపడుతుంది. అసలు పిల్లలు నిర్భయంగా పెరిగేదానిలో వృద్ధుల పాత్ర ప్రస్తుతం పక్కదోవపడుతున్నది. 

ఉమ్మడి కుటుంబాలు లేకుండడం , కెరీరిజం - డబ్బు యావతో వృద్ధాప్యం శాపంగా మారడం, వృద్ధాశ్రమాలు పెరగడం సమాజానికి సవాల్ అనే చెప్పాలి. మానవతావాదులకి ఇది ప్రమాదకరమైన సంకేతమే. పిల్లలూ, వృద్ధులూ హాయిగా ఉండే దమ్మున్న సమాజంగా మన సమాజాన్ని మార్చేందుకు కృషి చేద్దాం. దానికి ఏ కొంతైనా ఆలోచన రేకెత్తించేందుకు ఈ పోస్టు ఉపయోగపడగలదని ఆశిస్తున్నాను. 

మనిషికీ జంతువుకీ ఉన్న తేడాలలో ఆలోచన అనేది కీలకమైనది. మనిషి మాత్రమే ఆలోచనతో నాగరికతని ఏర్పరచుకున్నాడు. నిత్యం దానిని మార్చుకుంటూ , నేర్చుకుంటూ పురోగమిస్తుంటాడు. వీటిలో కుటుంబం - మానవ సంబంధాలు - అనుబంధాలనేవి ముఖ్యమయినవి. 

వీటిని ఎలా చూడాలి? అనేదానిలో డబ్బు అనేది ఆటంకంగా ఉంటోంది. ముఖ్యంగా వృద్ధాప్యం శాపమవుతోంది. ఓ తండ్రి ఆవేదన ఇక్కడ చూడండి. ప్లస్ లో రాచపూడి రమణి గారి ప్రొఫైల్ ఉన్న ఈ ఇమేజ్ సేకరించి ఈ బ్లాగులో ఉంచాను. ఒరిజినల్గా ఇది ఎవరు తయారు చేశారో తెలీదు. అందరినీ ఆలోచింపజేసేదిగా ఉందనిపించింది. 

పెద్దగా కనిపించడానికి ఇమేజ్ మీద క్లిక్ చేసి జూం చేయండి. 

 రాచపూడి రమణి గారికి అభినందనలతో ......

- పల్లా కొండలరావు

*Re-published

మీరేమంటారు? శీర్షికలో ఏదైనా అంశాన్ని చర్చించాలనుకుంటే క్రింది మెయిల్ ఐ.డికి వివరాలు పంపగలరు.

janavijayam@gmail.com