హిందు మతంలో సమూల మార్పులు సాధ్యమా?

హిందు మతంలో అంతర్గతంగా కులాంతర వివాహాలు & విధవా వివాహాలు సాధ్యమా, కాదా అనేది తరువాత చర్చిస్తాను. ప్రాథమిక విషయాలలో అయినా హిందు మతంలో మార్పు సాధ్యమా, కాదా అనేది ఇక్కడి ప్రశ్న.

ముహూర్తం అనేది మూఢనమ్మకం. పురోహితుడు చేతి గడియారం టైం ఆధారంగా ముహూర్తం పెడతాడు. పూర్వం గడియారాలు లేవు. మన పూర్వికులు పగటి పూట సూర్యుని దిక్కు, రాత్రి పూట నక్షత్రాల దిక్కు చూసి టైం చెప్పేవాళ్ళు. సూర్యోదయం, సూర్యాస్తమయం అన్ని ప్రాంతాల్లో ఒకేలాగ ఉండదు. చేతి గడియారం చూపించే టైం ఆధారంగా ముహూర్తం పెడితే అక్కడ వాస్తవ సమయం నుంచి చాలా తేడా వచ్చే అవకాశమే ఎక్కువ. ఈ విషయం తెలిసి సైన్స్ టీచర్లు కూడా ముహూర్తం ప్రకారమే పెళ్ళిళ్ళు చేసుకుంటున్నారు. చేతి గడియారం టైం ముహూర్తానికి ప్రామాణికం అని చెపితే నాసా శాస్త్రవేత్తలు నవ్వుతారు. మరి అమెరికాలో స్థిరపడిన ఒక హిందువుకి నాసాలో శాస్త్రవేత్త ఉద్యోగం దొరికితే అతనికి హిందు పంచాంగం చూడకుండా పెళ్ళి ముహూర్తం నిర్ణయించుకునే ధైర్యం ఉంటుందా? కంటికి కనిపించే వాస్తవాలకి కూడా విరుద్ధంగా హిందువులు మూఢనమ్మకాలని ఆచరిస్తుంటారు. అలాంటప్పుడు ఇతర విషయాలలో హిందు మతంలో మార్పు ఎంత వరకు సాధ్యం?

- Praveen the freethinker

*Re-published

మీరేమంటారు? శీర్షికలో ఏదైనా అంశాన్ని చర్చించాలనుకుంటే క్రింది మెయిల్ ఐ.డికి వివరాలు పంపగలరు.

kondalarao.palla@gmail.com