విశ్వానికి సృష్టికర్త ఉన్నారా? విశ్వ రహస్యాలపై పిల్లల ప్రశ్నలకు పెద్దలు చెప్పాల్సిన సమాధాన విధానం ఏమిటి?

 

(images courtesy : google )

విశ్వానికి సృష్టికర్త ఉన్నారా? విశ్వ రహస్యాలపై ప్రశ్నలకు పిల్లలకు పెద్దలు చెప్పాల్సిన విధానం ఏమిటి?

విశ్వం ఎలా ఏర్పడిందనే దానిపై అనేక వాదనలు వినిపిస్తుంటాయి. పిల్లలు జిజ్ఞాశతో విశ్వ రహస్యాలకు సంబంధించినవి అనేక ప్రశ్నలు అడిగినప్పుడు పెద్దలు తమకు తోచింది చెప్తారు. లేదా వారి పెద్దలు వారికి చెప్పింది పిల్లలకు చెప్తారు. కొందరు మాత్రం విశ్వం ఎలా ఏర్పడింది అనేదానికి శాస్త్రీయ ఋజువులు చూపుతారు. ప్రయోగాలమేరకు ఇప్పటివరకు అందిన సమాచారాన్ని తెలుసుకుని చెప్పే ప్రయత్నం చేస్తారు.

క్యూరియాసిటీ -  తెలుసుకోవాలనే తత్వం  - జిజ్ఞాశ.... పదమేదైనా కావచ్చు. మనిషి సహజాతమైన అంశమిది. 

మన చుట్టూ ఉండే పరిసరాలపై పుట్టుకొచ్చే ప్రశ్నలకు తొలిగురువైన అమ్మ దగ్గరనుండి నాన్న అమ్మమ్మ నాయనమ్మ తాతయ్యలు స్నేహితులు ...పాఠ్యాంశాలు గురువులు ఇలా ఈ లిస్టు పెరుగుతూ వచ్చినా కొన్ని విషయాలపై అనేక అనుమానాలు మిగిలే ఉంటాయి. పుస్తకాలలో ఉన్నదానికి బయట ఆచరణకూ అనేక విషయాలలో వైరుధ్యాలు ఏర్పడుతుంటాయి.

ప్రతి ఒక్కరికీ బామ్మలు చెప్పిన కథలతో పాటు సైన్స్ చెప్పినవీ ఉంటాయి. ఎవరి ఆలోచనలమేరకు వారు ఏర్పరచుకున్న భావనలూ ఉంటాయి.  ఎప్పటికీ ఈ లిస్టు ఎంతో కొంత మిగిలే ఉంటుంది. సంపూర్ణంగా సైన్స్ సమాజం ఏర్పడినప్పుడు ఈ స్తితిలో మార్పు ఏర్పడుతుంది.

విశ్వం ఎలా ఏర్పడిందనే దానిలో ఎన్ని వాదనలున్నాయి? వాటిలో మీకు తెలిసినవి, మీరు నమ్మేవి ఏమిటి? పిల్లల ప్రశ్నలకు పెద్దలు ఏ సమాధానం చెప్పడం సరయింది?
విశ్వ ఆవిర్భావం గురించి చిన్నప్పటినుండి మీరు విన్న కథలేమిటి? సైన్స్ పాఠాలేమిటి? వీటిలో మీరు దేనిని నమ్ముతారు? మీరు పిల్లలకు వారి ప్రశ్నలకు సమాధానంగా చెప్పాలంటే ఏమి చెపుతారు?
విశ్వ ఆవిర్భావం గురించి ఎన్ని కథలు ఉన్నాయి? ఎన్ని సిద్ధాంతాలు ఉన్నాయి? జరుగుతున్న పరిశోధనలు ఏమిటి? మీకు తెలిసిన సమాచారాన్ని పంచుకోవాలని విజ్ఞప్తి.

-  పల్లా కొండల రావు.

5-10-2014.

*Re-published

మీరేమంటారు? శీర్షికలో ఏదైనా అంశాన్ని చర్చించాలనుకుంటే క్రింది మెయిల్ ఐ.డికి వివరాలు పంపగలరు.

kondalarao.palla@gmail.com