పల్లె ప్రపంచంలో "ఇంటింటా గ్రంధాలయం" ప్రారంభం

పల్లె ప్రపంచంలో 'ఇంటింటా గ్రంధాలయం' ప్రారంభం

గ్రామీణ ప్రాంత ప్రజలలో చైతన్యం తీసుకురావడానికి పల్లెప్రపంచం సంస్థ చేస్తున్న కృషి ప్రశంసనీయమని బోనకల్ జెడ్.పి.టి.సి బాణోతు కొండా అన్నారు. ఆదివారం పల్లెప్రపంచం ఫౌండేషన్ తరపున ఇంటింటా గ్రంధాలయం పథకాన్ని ఆయన ప్రారంభించారు. ఈ సందర్భంగా సంస్థ అధ్యక్షులు పల్లా కొండల రావు అధ్యక్షతన జరిగిన సభలో కొండా మాట్లాడుతూ ఇంటింటా గ్రంధాలయం పథకాన్ని మండల ప్రజలందరూ వినియోగించుకోవాలన్నారు. ముఖ్యంగా విద్యార్ధులు-యువకులు వినియోగించుకోవడం ద్వారా చైతన్యం పొందవచ్చన్నారు. సంస్థ అధ్యక్షులు పల్లా కొండల రావు మాట్లాడుతూ ఒక ఏడాదిపాటు సంస్థలో సభ్యత్వం ఉన్న ప్రతి ఒక్కరు కుటుంబానికి రు.10వేల రూపాయలవరకు పుస్థకాలను కొనుగోలు చేయవచ్చన్నారు. వీరందరికీ BPP ద్వారా 100% నగదు తిరిగి లభించేలా పథకం రూపొందించామన్నారు. ఆధ్యాత్మికత, ఆరోగ్యం, యోగా, ధ్యానం, ఆక్యుపంచర్, చరిత్ర, మార్క్సిజం వంటి అన్ని అంశాలకు సంబంధించిన పుస్తకాలు అందుబాటులో ఉంచామన్నారు. ప్రతి ఇంటిలో చిన్న పిల్లల చేతిలో సెల్‍ఫోన్‍కు బదులుగా పుస్తకాలు ఉండేలా చేయడమే ఈ పథకం లక్ష్యమన్నారు. ఇంటర్నెట్ వచ్చినా పుస్తకం విలువ పుస్తకానికి ఉంటుందన్నారు. ఈ కార్యక్రమంలో రంగనాయకమ్మ రచించిన ఇంగ్లీషు కీకారణ్యంలోకి ప్రవేశించండి పుస్తకాన్ని కుమారి రచ్చా సింధుజ ప్రారంభించారు. సంస్థ తరపున ఆన్‍లైన్‍లో వెబ్ పోర్టల్ 'ప్రజ' ను మాజీ ఎం.పి.పి కొమ్ము శ్రీనివాసరావు ప్రారంభించారు. ఈ సభలో పల్లె ప్రపంచం ఫౌండేషన్ కార్యదర్శి బి.అంజయ్య, సభ్యులు రచ్చ మధుసూదన్ రావు, చలమల అజయ్ కుమార్, లగడపాటి రామారావు, రామన అప్పారావు, బలగాని నాగరాజు,మండెపుడి శ్రీనివాస రావు, వనవాస రాఫు తదితరులు పాల్గొన్నారు.